ඔබේ දරුවන්ට
සුවිශේෂී ජීවිත දිනන්න වෙහෙසීමට
උනන්දු නොකරන්න
මෙවැනි වෙහෙසීම්
අගය කළ යුතු බව පෙනුනද
ඒවා මෝඩකම් පමණි
ඒ වෙනුවට
සාමාන්‍ය ජීවිතයේ අපූර්ව බවත් ආශ්චර්යයත්
සොයා ගැනීමට ඔවුන්ට සහාය වන්න
ඇපල් ගෙඩියක්, පෙයාර්ස් ගෙඩියක්, තක්කාලි ගෙඩියක්
රස බැලීමේ ප්‍රීතිය පෙන්වන්න
මිනිසුන් සහ සුරතල් සතුන් මියගිය විට
හඬන හැටි කියාදෙන්න
අතක් ස්පර්ශ කළ විට දැනෙන
නොතිත් හර්ෂය පෙන්වන්න
ඔවුන් වෙනුවෙන් සාමාන්‍ය දේ
ජීවමාන කරවන්න
එවිට ඔවුන්ට සුවිශේෂී දේවල්
ඉබේම පහල වනවා ඇත
පරිවර්තනය - හෙල්මලී ගුණතිලක
Translation of the poem 'Do not ask your children' by William Martin
දිනමිණ වසත් සුළඟ 02.11.2022
sketch- ink on paper
'සුවිශේෂී ජීවිත දිනන්න වෙහෙසීමට' මෙතන වචනයක් වැඩියි වගේද, මලී. අන්තිම වචන දෙකම ඕනෙද, 'දිනන්න' විතරක් තිබුනම මදිද ('to strive for extraordinary lives').
ReplyDelete(එක පාරට හිතුනෙ එහෙම හැබැයි ආයිත් කියවද්දි නම් ප්‍රශ්නයක් නෑ කියලා හිතුනා. strive කියන වචනෙ ඇතුලෙ achievement සහ effort දෙකම තියන නිසයි ඔයා එහෙම දාන්න ඇත්තෙ).
Lotus- ඔයා හරි. මම මේ ගැන ටිකක් කල්පනා කළා. දිනන්න කිව්වොත් එන්නේ the act of achieving නේ not the effort leading up to it. strive වගේ වචනයකට තනි සිංහල වචනයක් නැහැ වගේ නේද? අනික ඉංග්‍රීසියෙදිත් හැම තිස්සෙම strive යෙදෙන්නේ positive දිනුමක් එක්ක මිසක් නිකම් මහන්සි වීමට ඒක යෙදෙන්නේ නැහැ නේද කියලාත් මට හිතුණා.
DeleteThank you for picking up these and for the feedback. Makes me 'strive' for better translations always :)
ඔව් strive වචනය තුල 'ආයාසය' කියන අදහස තියෙනවා නේද. මම strive හා thrive පටලවගන්නත් ඇති. තැන්ක් යූ මලී.
Deleteමට මතක් වුණේ 1965 දී ළඳක මහිම ෆිල්ම් එකට චිත්‍රානන්ද අබේසේකරයන් ලියූ ගීයක්,
ReplyDeleteආලෝකය දැක යන්න
බාධක බිඳ ජය ගන්න
එඩිතරකම පෙන්වන්න
ඉවසීමේ සැනසෙන්න
හිනැහී ජීවය සරු කර ගන්න
https://www.youtube.com/watch?v=QCANtIrk_Cw
ඒක නම් ලස්සනයි💖🔥🥰
Deleteමේක අහලා තිබුණේ නැහැ. ස්තූතියි නිදි!
Deleteමේ දෙකම ඉගැන්නුවොත් හොඳයි කියලයි මට නම් හිතුනෙ🤔
ReplyDeleteචිත්‍රෙ ලස්සනයි💖👌
දෙකම ඕනෙ කියලයි මමත් හිතන්නෙ. උඩින් 'නිදි' දාලා තියෙන සින්දුවෙනුත් ඒක කියවෙන්නෙ මම හිතන්නෙ.
Deleteනවීන්, Lotus මම සුවිශේෂී කියපු නිසා කවියා ලීව දේ ගැන වැරදි තේරුමක් ආවාද මන්දා. කවියේ තිබුණේ extraordinary කියලා. ඒකෙ තේරුම හැටිය තියෙන්නේ very unusual or remarkable.කියලා. ලබාගන්න දුෂ්කර දේවල් කියලා වෙන්නැති කවියා අදහස් කළේ. unusual කෙසේ වෙතත් remarkable දේවල් ලබාගන්න උත්සාහ කරන්න ළමයින්ට මඟ පෙන්නන එක හොඳයි තමයි.
Deleteකවියෙන් කියන්නෙ සුවිශේෂි බව ගන්න අනවශ්‍ය ලෙස උත්සාහ කරන්න එපා කියන එක වෙන්න පුලුවන්. strive කියන වචනයෙ struggle, fight යන අදහස් තියෙනවානේ. මලී යොදාගත්ත වචන හොඳයි.
Deleteකොහොම වුනත් ජීවිතේ purpose, ambitions තියාගැනීම හා (අනවශ්‍ය ලෙස) උත්සාහ කිරීම අතර delicate balance එකක් තියෙන්නෙ.