තනි ඉරක ඇවිදීම

Translation of the poem Walking at Noon | Nicolette Stasko


වසන්තයට කිට්ටු දවසක
කෙටි දුරක් ඇවිදිද්දී
පෙනෙන දසුන් කෙතරම් අපූරු ද

අයෙක් ගල් පවුරකට පිටදී
හිරු රැස් නාන්නේ
ඵල පිරුණු රට දෙහි ගසක් මෙනි

පෙම්වතුන් දෙදෙනෙක්
දෑත් නොඅල්ලාම
ඉතා උද්යෝගයෙන්
එකිනෙකා වෙත නැඹුරුව සිටී
ඔවුන්ගේ හාත්පස
උයන පුරා මල් පිපෙමිනි

තරුණ කතක්, තනිවම
දේවදාර ගසක සෙවනේ
ලී කොටයක් මත හිඳ
ලිපියක් කියවමිනි

ගලාහ් කුරුල්ලන් මෙන්
රොක් වෙන සිසුන්
දොඩමින්, සැන්විච් පෙති කමිනි

මා පසු කර යන
බයිසිකල්ද, දුවන්නන්ද
බොඳවී පෙනේ

විශාල ගිරවෙක්
විදිලියක් සේ ඉගිල යයි

මම
ඔවුන් අතරින්
දළ වශයෙන් තනි ඉරක ඇවිදිමි

තව කෙනෙක් දකිනු ඇත්තේ
ඒ
ලෙලෙන දිගු වැහි කබායක් පැළඳි
එතරම්ම තරුණ නැති කාන්තාවක් බවයි

ඈ සිනාසෙමිනි 

පරිවර්තනය -හෙල්මලී ගුණතිලක

දිනමිණ වසත් සුළඟ 17.11.2021  

https://epaper.dinamina.lk/Home/ShareImage?Pictureid=19b66508

Photo- summer in Ballarat VIC