මේඝ සක්මන

 

අහස තද දම් පැහැ වී

හිම තුහින තුඩු විසුරන

සැඩ සුළං, සර සරයෙන්

දුර තුරු මුදුන් කළඹන

අකුණු එක එක දිලිසෙන

තෙතබරිත හවස් වරුවල

සුහදිනිය,

නුඹ වෙසෙන අර්ධ ගෝලයේ

කල් ගෙවන්නේ කෙලෙසද?

ලෙහා විහිදා මුහුලස

ඉගිලෙන සුළං මිත වෙත

එබි එබී කවුළු දොර'ගින්

අසමින් ගිගුම් මිමිණුම

කෝපිත් කවිත් උණුහුම්

සමසමව දෑතට ගෙන

සුහදාන

මා වෙසෙන අර්ධ ගෝලයේ

නරඹමිනි මේඝ සක්මන!

sketch- colour pencils on paper