May 24, 2023

දේව දූතයන්



Translation of the prose poem 'Angels' by Lang Leav

එය සිදුවන්නේ මෙසේ යි.

කවදා හෝ දවසක ඔබට මුණගැසෙන යම් කෙනෙක් ගැන ඔබට විස්තර කළ නොහැකි තරමේ දැඩි බැඳීමක් දැනෙනු හැක. මෙය ඔබ මින් පෙර කිසිදිනක අත් දකින ලද්දක් නොවේ.

මේ තැනැත්තා ඔබේ ජීවිතයට එන්නේ එක්කෝ කරදර කාලයක ඔබව සුරැකිව තබාගැනීමට යි, නැතිනම් ඔබට ජීවිතයේ වැදගත් පාඩමක් ඉගැන්වීමට යි.

සමහරවිට මේ තැනැත්තා තුළ දේව දූතයෙක් සිටිනවා විය හැක, ඒ අදිසි බලයක් විසින් එවන ලද කෙනෙක් වන්නට ඉඩ ඇත. 

ඔබ කළ යුත්තේ ඔවුන් ව විශ්වාස කිරීමයි- ඔවුන් ඔබ ව සුවපත් කරන චාරිකාවේදී ඔබ වෙත වේදනාවන් සහ දෝමනස්සයන් ගෙන ආවත් නොකඩවා ඔවුන්ව ව විශ්වාස කිරීමයි. ඔවුන් ඔබ වෙත පැමිණි හේතුව කාලයක් ගත වූ පසු පැහැදිලි වනු ඇත. 

නමුත් එක් අනතුරු ඇඟවීමක් කළ යුතුමය- ඔබ මේ තැනැත්තාට කෙමෙන් ආදරය කරන්නට පටන් ගන්නට ඉඩ තිබේ. 

මතක තබා ගන්න, ඔවුන් ඔබට හිමි වන්නේ නැත. ඔවුන්ගේ අරමුණ ඔබව ගලවාගැනීම නොව ඔබට ඔබවම ගලවාගැනීමට මඟ පෙන්වීමයි. 

මේ කාර්යය සම්පූර්ණ වූ විට රැස් වළල්ල ගිලිහී එහි වූ දේව දූතයා නික්ම යනු ඇත. ඔවුන් ඔබගේ ජීවිතයෙන් ඉවත් වන්නේ එවිටයි. 

ඉනික්බිති ඔබ දෙදෙනා පෙර සේම නැවතත් නාඳුනන්නන් බවට පත්වනු ඇත.  



පරිවර්තනය - හෙල්මලී ගුණතිලක 

Digital painting


9 comments:

  1. Replies
    1. Pra ගේ වැට බස්සා කුලියට අරගෙනද? :)

      Delete
  2. ඇත්තයි......
    හැර ගිය දේව දුතයෝ බොහොමයි...

    ReplyDelete
    Replies
    1. කුමුදු - ඔව්
      //ඉනික්බිති පෙර සේම නැවතත් නාඳුනන්නන් බවට පත්වනු ඇත.//

      Delete
    2. මාත් වැටක් ගහල ලිස්සුවෙ ඒකම තමා. මතක් කරන්නෙපා ඔය බූතයො.#@!*&...😡.

      Delete
  3. ඒකනම් හරියටම හරි. Nailed it.

    ඒ වගේම ඔය කතාව අපේ තරහකාරයින්ටත් හරි. මුලදි බැඳීමක් දැනුනෙ නැතත්, පස්සෙ තේරෙනවා ඒගොල්ලන්ගෙ කාර්‍යභාරය අපිට අපිවම ගලවා ගන්න උදව් කරන එක කියලා. I have learnt so much about me through my in-laws, and have developed lots of patience in life because of them.

    ReplyDelete
    Replies
    1. Lotus-
      Lang Leav ගේ තියෙනවා මේ වගේ පපුවට තට්ටු කරන කවි සහ කතා

      මම තරහාකරයින් ගැන හිතලා තිබුණේ නැහැ. You have a point there. අන්තිමේදී ඒ කොයි එකෙනුත් අපි අපිවම ගලවා ගත්තේ නැත්නම් තවත් සසර ගනුදෙනු තමයි ඉතුරු වෙන්නේ නේද?

      Delete