අගුල් තිස් තුනක්

Translation of the poem '33 Locks' by Lang Leav

මේ නිසල, අලස නගරයට
මේ මුහුදුබඩ නිවසට
මා පැමිණ
දස වසකට ආසන්නය

මෙහි දොරවල් හයකි
ජනෙල් දාහතරකි
අගුල් තිස් තුනකි

නින්ද නොඑන රාත්‍රීන්වල
මා සිතින් එම අගුල් කරකවමි
ඇඳෙන් බැස
කවුළු වීදුරුවේ මුහුණ තබමි

කලක්, කිසිම කවුළුවක් නැති
කාමරයක විසුවෙමි
මා නිය අගින් සූරා
එහි සායම් වියැකූ තැන්
තවම දිස් වනවා ඇත

මම තවමත් ඇතැම්විට ඒ ගැන සිතමි
ඇතැම් රාත්‍රීන් වල
මගේ මනස
ඒ කාමරය වැනි යැයි දැනේ

පරිවර්තනය - හෙල්මලී ගුණතිලක 

දිනමිණ වසත් සුළඟ - 19.10.2022 

Photo- Unsplash