රුදු රොන් සුනු
කීර්ති වැලිසරගේ
සරසවි ප්‍රකාශකයෝ (2019)
කීර්ති වැලිසරගේ
සරසවි ප්‍රකාශකයෝ (2019)
කීර්ති වැලිසරගේ නම් කතුවරයාගේ ලිවීමේ ශෛල්‍යයට මා ආකර්ෂණය වූවේ ඔහු ලියූ දෛව නවකතාව කියවීමෙන් පසු ය. 2017 වසරේ රාජ්‍ය සාහිත්‍ය සම්මාන උළෙලේ හොඳම නවකතාවට හිමි සම්මානය දිනූ ඔහුගේ ගරුඩ මුහුර්තය මගේ ප්‍රියතම පොතකි. මේ නිසා 2019 වසරේ ප්‍රකාශයට පත්වූ කීර්ති වැලිසරගේ ගේ රුදු රොන් සුනු පොත කියවන්නට ලැබෙන තුරු මා බලා සිටියේ ඇඟිලි ගනිමිනි.
රුදු රොන් සුනු නවකතාව හිමිවීම්, අහිමිවීම් සහ ඒ හා බැඳුණු හැල හැප්පිලි ඔස්සේ තරුණයකුගේ ජීවිතය ගලා යන අයුරු ගැන අපූරුවට ලියවී ඇත. එක් මොහොතකින් ජීවිතය උඩු යටිකුරු වී ඇතිවන බිඳ වැටීම් මෙන්ම එසේ වැටුණු පසු යළි අළු මතින් නැගිටීම මේ පොතේ විස්තර කෙරෙන්නේ ඒ කලකිරීමත්, වේදනාවත්, පාළුව සහ කාන්සිය මෙන්ම ධෛර්යයත් කියවන්නා තුලත් ගොඩනඟමිනි.
බොහෝ දුෂ්කර කාලවලදී අප අත්නොහැර ළඟ ඉන්නේත්, නොවැටී සිටින්නට වාරු වන්නේත් නන්නාඳුනන්නෙක් විය හැක. එමෙන්ම අත්‍යවශ්‍යම වෙලාවක පිටුපා යන්නේත් අත්වැල් සිඳලන්නේත් සමීපතමයෙක් විය හැක. රුදු රොන් සුනු මේ ගැන අපට හට සිතන්නට යමක් ඉතිරි කරයි.
No comments:
Post a Comment