හිස් ඉඩ

'but music only exists because the pauses exist, and sentences only exist because the blank spaces exist. - Paulo Coelho

අකුරු එක එක අමුණා
ලියූ ළය බැඳි වදනක
හිස් ඉඩක නම් විය හැක
ඔබත් මා හමුවුණු තැන

ගීයක සියුම් කොටසක
හුස්ම තාලය දැවටුණු
නිහඬ ඉඩ නම් මෙයමයි
ඔබත් මා හිනැහුණු තැන

සුළඟත් නිසල දවසක
තුරු මුදුනතක හඳුනමි
බොහෝ දුර ඇති අහසට
පෙමින් බැඳි මුදු ඉවසුම

හිරු නිවී යන හවසක
හදවතේ උණුහුම් තැන
ගුලි ගැසෙන මතකය වෙමි
තුති ඔබෙන් ලද සතුටට!

-sketched in Paint