වෙනත් නම් තිබුණා

'when we were happy we had other names'- Yiyun Li ගේ කෙටිකතාවක හමුවූ වැකියක් 

සිනාවන් විසිරුණ 

කහ පැහැ හවස් වරුවල

දම් පැහැති, දුක්බර 

මන්දාරම් හි කෙළවර 

අපහට 

වෙනත් නම් තිබුණා

දෑසින් දෑස මිමිණුව  

ලිහී ගිය කවියක  

සිතුවමක පාට බිඳුවක 

දෙතොල් මත නැවතුණු 

සුලැඟිල්ලක පහසක 

අපහට 

වෙනත් නම් තිබුණා 

සුසුමෙන් සුසුම කියැවුණ

සතුට නම් නිම්නය

අත්හළ දුර්ග ගමනක 

අසනි සරයක් සේ

සිහිවේ අදත් ඉඳහිට

අපහට

වෙනත් නම් තිබුණා 

හද බිතු අතර ලියැවුණ

 

Designs etched on boulders over centuries - Nobby's Beach, Newcastle, NSW