පරෙවියන්

උන්
හැම මංසලකම
රැස් කන නිසා
දුර්වර්ණ යකඩවල
පැහැයෙන් යුතු වූ නිසා
හැම පාන් වාටියක්ම
අහුලා කන නිසා
අප උන්ට මනාප නැත

උන් පැටවුන් උස් මහත් කරන්නේ
රට බීම හලේ
පියස්ස යට ගුලිවෙමිනි

උන් පදික වේදිකාවේ
කෑම කැබලි වෙත කොටමින්
අප දෙපා වටා කරකැවෙන්නේ
සුපුරුදු අහංකාර ගමනිනි

කිසි දිනක උන්
ශ්‍රේෂ්ඨත්වයට ළඟා නොවනු ඇත

එහෙත්
ඉඳහිට සංචාරකයෙකු විසින්
අර දුර පෙනෙන
ප්‍රතාපවත් පල්ලියේ සේයාරුවක් ගනිද්දී
ඒ බොඳ වූ රුවේ, පසුබිමේ
උන්, එක්වර
අළු පැහැති අහසට නැඟෙන අයුරු
දිස් වනු ඇත

පරිවර්තනය - හෙල්මලී ගුණතිලක

Translation of the poem 'Pigeons' by Dhanusha Lameris

Digital painting