July 27, 2017

මීදුම් කවි































කවුළුව එපිට මුතු ඉහිරෙන උදාවක   
පොරවා දෑත විඳිනෙමි සිහිනෙක මෙලෙක 
පෙරඹර අහස පැහැ ගන්වන මුදු ලෙසක
සිනහව සොයමි, අද හිරු සැඟවී දුරක

මීදුම වෙලෙන දුරු මඟ තනි නොදැනෙන්න
හීගඩු පිපෙන සීතල ගත නොපෙලන්න 
උණුහුම පිරුණු සුසුමක් වත තවරන්න
හෙට නුඹ එනවාද කවියක් වී ඉන්න? 

තුරු පෙළ ඈත, පත් සිඳ තනි වී හිඳින 
මිහිදුම මෑත සුසිනිඳු සළුවක් වියන 
රන් පැහැ ගන්වන්න රන් කෙඳි විසිරමින
හිරු එන මඟ බලමි හිනැහී කඳු මතින 

photo- © Pinthura
Mount Cook , New Zealand, Sept 2016



5 comments:

  1. ගතක නැගෙන සිසිලස උණුහුම් වෙන්න
    දිනක නොවෙයි හැමදාමත් ළඟ ඉන්න
    හදක පිරුණු කවි සිතුවිලි පුබුදන්න
    හනික දුවන් එමි මම නුඹ දැකගන්න....

    ලස්සනයි මලී...

    Jඅයවේවා!!!

    ReplyDelete
  2. වැසිබර වලාකුළු පාවී විටින්විට
    හිරි පොද වැටෙයි කඳු යායම තෙමෙන්නට
    මීදුම් සළු පැමිණ ඇඟ පත තවන්නට
    හිරිගඩු පිපෙයි රිදෙමින් මස් නහර ඇට

    ReplyDelete
  3. ඔබ සුන්දර කව ;
    ගෙනයයි මා හිමෙන් වැසුනු කඳු අතර රැඳුනු දේවදාර වනයකට!
    කිමෙන් නම් මා උනුසුම් වන්නද ;
    ප්‍රේමනීය සුසුමකින් විනා!

    ReplyDelete