එක්තරා වර්ගයක උමතුවක් අගය කිරීමකි

මගේ අත්තම්මා සතුව තිබුණේ 

සිහිකල්පනාවෙන් අඩක් පමණි.

ඉතිරි අඩ බොහීමියාවට ආපිට ඉගිල ගොසිණි   

සීතල සැන්දෑවරුවල 

නිවසේ පිල මත 

ඈ පත්තර පිටු අතුරන්නීය 

ඒ, ගෙවත්තේ කුහුඹුවන්ට

එහි යටට රිංගා 

බ්ලැන්කට්ටුවක් යටදී මෙන් 

උණුසුම් වීම පිණිසයි 

කාලයේ අකුණු සර වැදුණු පසු,

ඉතිරි වී ඇති සිහියෙන් 

මටත් 

ඈ වැනිම වන්නට ඇත්නම්

ඒ තරමටම ආදරණීය වන්නට හැකිනම් ,

ඒ මගේ පැතුමයි 

Translation of the poem 'In Praise of Craziness, of a Certain Kind'

by Mary Oliver 

පරිවර්තනය- හෙල්මලී ගුණතිලක 

Digital Art